Naano Devanudaya

🎵 Lyrics

நானோ தேவனுடைய ஆலயத்தில்
பச்சையான ஒலிவமரம் போல் இருக்கிறேன்
நான் தேவ கிருபையை (என்றும் நம்புவேன்) – 2

1. கர்த்தர் என்னை நித்தமுமே நடத்திடுவார்
வறட்சி காலத்திலும் திருப்தி செய்வார்
நீர்ப்பாய்ச்சலான தோட்டம் போல்
வற்றாத நீருற்றுப் போல்
அனுதினம் என்னை நடத்திச் செல்வார்

2. கர்த்தர் மேலே நம்பிக்கையை வைத்திருக்கிறேன்
தண்ணீரண்டை நாட்டப்பட்டு செழித்திருப்பேன்
இலைகள் என்றும் பசுமையாய்
கனிகள் என்றும் புதுமையாய்
மாதந்தோறும் புதுப்புதுக் கனிதருவேன் – நானோ

3. கர்த்தரின் வேதத்தையே நேசித்திடுவேன்
இரவும் பகலும் தியானித்திடுவேன்
அதினதின் காலத்தில் கனி தருவேன்
இலையுதிரா மரம் போலிருப்பேன்
செய்வதெல்லாம் எனக்கு வாய்த்திடுமே – நானோ

4. பர்வதங்கள் திராட்சை ரசம் பொழிந்திடுமே
மலைகள் பாலாய் ஓடிவருமே
ஆறுகள் கரைபுரண்டோடிடுமே
கர்த்தரின் ஊற்று புறப்படுமே
பள்ளத்தாக்கை நீர்ப்பாய்ச்சலாக்கிடுமே – நானோ