Maenmai Paratida

🎵 Lyrics

மேன்மை பாராட்டிட தகுதி ஒன்றுமில்லையே
பெருமையாய் சொல்லிட ஏதும் என்னில் இல்லையே
எல்லாமே உங்க கிருபை தான்…. இயேசப்பா
எல்லாமே உங்க இரக்கம்தான் (தயவுதான்)

1. நீர் எனக்கு பாராட்டின கிருபை பெரியது
நீர் எனக்கு காண்பித்த தயவும் பெரியது
தகுதி இல்லாத எனக்கு தகுதி தந்தீரே
உம்முன் நிற்க எனக்கு பெலனும் தந்தீரே

2. நீர் எனக்கு தந்த அனைத்தும் உந்தன் மகிமைக்கே
என் ஞானம் கல்வி செல்வம் உந்தன் பெருமைக்கே
தாழ்விலே கிடந்த என்னை நோக்கிப் பார்த்தீரே
உமக்கு வேண்டுமென்று என்னைத் தெரிந்தீரே

3. நீரின்றி என்னால் உலகில் வாழ முடியாதே
உம்மாலன்றி ஒன்று கூட சாதிக்க முடியாதே
நம்பினதும் நம்புவதும் கிருபை ஒன்றையே
(நான்) நிற்பதும் நிலைப்பதும் உந்தன் கிருபையே