Lyrics

தேவ ஆவியே எந்தன் மீதிலே
வல்லமையாய் இறங்கிடுமே
பாவ லோகத்தை மேற்கொண்டிட
பலமாய் இறங்கிடுமே

1. வாரும் வாரும் இப்போ இறங்கிவாரும்
செட்டைகள் அடித்து எழும்பி வாரும்
எங்கள் மீது இப்போதே இறங்கி வாரும்

2. உலர்ந்த எலும்பெல்லாம் உயிர்த்திடட்டும்
வறண்ட நிலமெல்லாம் செழித்திடட்டும்
வல்லமையாய் இப்போதே இறங்கி வாரும்

3. பரலோக அக்கினியே இறங்கிடுமே
பாவத்தின் வேர்களை எரித்திடுமே
மகிமையின் சாட்சியாய் மாற்றிடுமே

4. ஆவியின் மழை இங்கே ஊற்றிடுமே
ஆவியில் அனலாக மாற்றிடுமே
அன்பரே இப்போதே இறங்கி வாரும்

Lyrics

உனக்கெதிராய் எழும்பும் ஆயுதம்
வாய்க்காதே போகும்
காக்கும் தேவன் கூட இருப்பார்
கலங்காதே மகனே

1. தண்ணீரை நீ கடக்கும் போது
தேவன் வருவாரே
ஆறுகளை நீ கடக்கும் போது
கூட இருப்பாரே

2. பாடுகள் பட்டால் பரலோகம்
உண்டு மறவாதே மனமே
பரமன் இயேசு பாரினில் உனக்கு
மேன்மை தந்திடுவார்

3. உனக்கெதிராய் எழும்பும் யாவரும்
உன் சார்பாய் வருவார்கள்
உன் மேல் அன்பாய் நானிருப்பதை
அவர்கள் அறிவார்கள்

Lyrics

நான் நன்றியோடு துதிப்பேன்
என் வாழ்நாளெல்லாம் துதிப்பேன்
உம் பாதம் பணிந்து துதிப்பேன்
உம்மில் மகிழ்ந்து மகிழ்ந்து துதிப்பேன்

1. செய்த நன்மை கோடி
அதை சொல்லி முடியாதையா
அதை நினைத்து நினைத்து நெஞ்சம்
நன்றி சொல்லி மகிழுதைய்யா

2. அதிகாலை தோறும் என்னை
அப்பா தட்டி எழுப்பினீரே
தினம் புதிய கிருபை தந்து
உம்மில் மகிழச் செய்தீரய்யா

3. தாயின் வயிற்றில் என்னை
உருவாக்கும் முன்னே அறிந்தீர்
பெயரைச் சொல்லி அழைத்தீர்
உம் பிள்ளையாக மாற்றினீர்

4. புதுப்பாடல் எனக்குத் தந்தீர்
உம் நாமம் பாடப் பாட
அபிஷேகம் எனக்குத் தந்தீர்
சாத்தானை ஜெயித்து வாழ

5. கல்விமானின் நாவை
நீர் எனக்குத் தந்தீரய்யா
திக்குவாயை மாற்றி
உம்மைத் துதிக்கச் செய்தீரய்யா

Lyrics

நான் சர்வ வல்ல தேவன்
நீ எனக்கு முன்பு நடந்து
என்றும் உத்தமனாயிரு – நீ
உத்தமியாயிரு

1. போகும் வழியைக் காட்டிடுவேன்
நடக்கும் வழியைச் சொல்லிடுவேன்
உன்னோடு எப்போதும் இருந்திடுவேன்
உனக்காய் யாவையும் செய்திடுவேன்

2. காலையில் என் முகம் தேடிடு
கலக்கம் எல்லாம் நீக்கிடு
கலங்கிப் போன உள்ளங்களை
என்னிடம் கொண்டு சேர்த்திடு

3. வானத்தை அண்ணாந்து பார்த்திடு
நட்சத்திரங்கள் எண்ணிடு – நீ
எண்ணி முடியாத நன்மைகளை
என்றும் உனக்குத் தந்திடுவேன்

Lyrics

யாரிடத்தில் போவேன் நான் இறைவா
உம்மையன்றி யாருஉண்டு தேவா
துதிகளின் பாத்திரரே
ஸ்தோத்திர பாத்திரரே
மகிமைக்கு பாத்திரரே
உம்மையன்றி யாருஉண்டு எனக்கையா

1. வாழ்வு தரும் வார்த்தையெல்லாம் உம்மிடமே
உள்ளதையா
வாழ வைக்கும் உந்தன் முகம் தினம்தினம்
பார்ப்பேனையா
கூப்பிடும் காக்கைகளை போஷிக்கும் என் தெய்வமே
கூப்பிடும் எளிய என்னை மறவாத என் நேசரே (துதி)

2. கண்களை கண்ணீருக்கும் கால்களை
இடற்களுக்கும்
தப்புவிக்கும் எந்தன் தேவன் உயிரோடு இருக்கின்றீர்
கண்ணீரை கணக்கில் அல்லோ வைத்து இருக்கிறீர்
அலைச்சல்கள் யாவையும் அறிந்தே இருக்கிறீர் (துதி)

3. எந்தன் தேவையெல்லாம் உமக்குத் தெரியுமையா
எந்தன் குறைவு எல்லாம் நிறைவாக்கி தாருமையா
உமது கைத்திறக்க நான் அதை வாங்கி கொள்வேன்
நன்றி நன்றி என்று நாளெல்லாம் சொல்லிடுவேன் (துதி)

Lyrics

இயேசுவே…..
உம்மை நேசிக்கிறேன்
அன்பு நேசரே உம்மை தேடுகிறேன்

1. ஆயிரம் பதினாயிரம்
பெயர்களில் சிறந்தவரே
ஆண்டவரே என் நாயகரே
ஆறுதல் தருபவரே
அண்டி வந்தேன் உந்தன் பாதம்
அணைத்துக் கொள்ளும் எந்தன் தேவா -2

2. காலையில் உம்மை தேடுகிறேன் கிருபைகள் பொழிந்திடுமே காயங்கள் ஆற்றி கண்ணீரை துடைக்கும் நல்ல சமாரியனே காத்திருப்பேன் உந்தன் பாதம் காலமெல்லாம் உம்மைப் பிரியேன் – 2

3. சாரோனின் ரோஜா நீரல்லோ பள்ளத்தாக்கின் லீலி நீரே சீக்கிரம் வாரும் சிநேகிதரே உயிரோடு கலந்த மணவாளரே சரணடைந்தேன் உந்தன் பாதம் – வாழ்நாளெல்லாம் உந்தன் அடிமை 2

Lyrics

நான் துதிக்கும் தேவனே நீர்
மவுனமாயிராதேயும்
கதறிச் சொல்லும் வார்த்தைகளை கவனியும் – நான்

1. என் ஏக்கங்களெல்லாம் உமக்கு முன்னே இருக்குது
என் தவிப்பெல்லாம் உமக்கு மறைவாயில்லை
என் உள்ளம் குழம்பி அலைகிறதே
என் பெலன் என்னிலே இல்லையே

2. உமது கோபத்தால் எனக்குள் ஆரோக்கியம் இல்லை
எனது பாவத்தால் எலும்பில் சுகமில்லை
தலைக்கு மேலே அக்கிரமம் பெருகினதே
தாங்க முடியா பாரச் சுமையானதே

3. நான் வேதனைப்பட்டு என்னில் ஒடுங்கி போனேன்
துக்கத்தோடே நாள் முழுதும் திரிகிறேன்
கர்த்தாவே என்னைக் கைவிடாதேயும்
எனக்கு உதவி செய்ய சீக்கிரம் வாரும்

Lyrics

கர்த்தரின் நாமம் பலத்த துருகம்
நீதிமான் ஓடி சுகமாய் இருப்பான் – 2

1. பகலிலே வெயிலும் இரவிலே நிலவும்
தீமை ஒன்றும் செய்யாது
கர்த்தர் உன்னை காக்கிறவர்
உனது நிழலாய் இருக்கிறவர்

2. இஸ்ரவேலைக் காக்கும் உன்னத தேவன்
உறங்குவதில்லையே – இதோ
எல்லாத் தீங்குக்கும் விலக்கிடுவார்
ஆத்துமாவை அவரே காத்திடுவார்

3. போக்கையும் வரத்தையும் இதுமுதற்கொண்டு
என்றென்றும் காத்திடுவார் – உன்
கர்த்தர் தாமே முன்னே போகிறார்
உன் கால் இடற விடமாட்டார்

Lyrics

இம்மட்டும் காத்து நடத்தினீரே
இனிமேலும் காத்து நடத்துவீரே
ஜீவனுள்ள தேவனே ஜீவனுக்குள் வாழ்பவரே
உமக்கே ஆராதனை – 2

1. நான் நம்பும் தேவனும் நீர்
எந்தன் அடைக்கலம் நீர்
எந்தன் கோட்டையும் துருகமும்
பெலனும் தஞ்சமுமானவர் நீர்

2. எந்தன் ஜீவனும் நீர்
ஜீவனின் பெலனுமே நீர்
ஆடுகளுக்காக தன் ஜீவன் ஈந்த
நல்ல மேய்ப்பனும் நீர்

3. எந்தன் ஆதரவும் நீர்
எந்தன் கேடகமும் நீர்
கர்த்தர் என் வெளிச்சமும் இரட்சிப்புமானீர்
யாருக்கு பயப்படுவேன்

4. எந்தன் கன்மலையும் நீர்
துதிகளின் பாத்திரர் நீர்
ஆலயத்தில் நான் அபயம் இட்டால்
என் கூக்குரல் கேட்பவர் நீர்

Lyrics

ஆராதனை உமக்குத்தான்
அப்பா அப்பா உமக்குத்தான்
எஜமான் நீரிருக்க அடிமை நான் ஆராதிக்க
இரத்தத்தால் கழுவி என்னை
சுத்தமாக மாற்றினீரே

1. சாரோனின் ரோஜாவே
பூத்து குலுங்கும் வாசனையே
உம்மைப்போல் மணம் வீச
யாரு உண்டு உலகினிலே – ஆராதனை

2. சீலோவாம் குளத்தினிலே
கழுவும் போது கண் திறந்தீர்
எப்பத்தா என்று சொல்லி
செவிகளையே திறந்து விட்டீர் – ஆராதனை

3. அப்பாவின் பாதத்தில் நான்
அமர்ந்திருந்து பெலனடைந்து
கழுகு போல் சிறகடித்து
உயர உயர பறந்திடுவேன் – ஆராதனை

4. அக்கினி அபிஷேகம்
தலைமேல் இறங்கணுமே
தூபமாய் நறுமணமாய்
துதிகளை நான் செலுத்தணுமே – ஆராதனை

5. வானக புறாவைப் போல
கபடமில்லா வாழணுமே
வாழ்நாளெல்லாம் நான்
நன்மை செய்து மடியணுமே – ஆராதனை